សកម្មភាព និងកន្លែងទាក់ទាញ

ធ្វើឱ្យខ្លួនអ្នកមានភាពមមាញឹកនៅពេលថ្ងៃជាមួយនឹងសកម្មភាពជាច្រើន ដើម្បីធ្វើឱ្យដំណើរទស្សនានៅខេត្តកំពតរបស់អ្នកទទួលបានអត្ថប្រយោជន៍ច្រើនបំផុត។ ជាមួយនឹងទីតាំងមាត់ស្ទឹងរបស់យើង យើងមានកីឡាលើទឹកជាច្រើនប្រភេទសម្រាប់ភ្ញៀវប្រើប្រាស់ រួមមាន ម៉ូតូទឹក ទូកកាយ៉ាក់ និងទូកធាក់ដោយឈ្នាន់។ គ្រាន់តែសាកសួរពត៍មានជាមួយក្រុមរបស់យើងណាម្នាក់ អ្នកអាចចាប់ផ្តើមគយគន់ស្ទឹងកំពតបានហើយ។ ត្រលប់មកលើដីវិញ អ្នកអាចខ្ចីកង់ជិះឡើងភ្នំដើម្បីដើរលេងនៅជនបទ ឬដំណើរកម្សាន្តទៅកាន់កន្លែងទាក់ទាញក្នុងតំបន់ រួមមានទឹកធ្លាក់ ចម្ការម្រេច និងស្រែអំបិល ។

រមណីយដ្ឋាននេះមានចម្ងាយតែប៉ុន្មានគីឡូម៉ែត្រពីទីរួមខេត្តកំពតប៉ុណ្ណោះ ដូច្នេះវាងាយស្រួលក្នុងការចែវទូក ឬជិះម៉ូតូទឹក ចុះតាមដងស្ទឹង ដើម្បីគយគន់មើលទីក្រុង និងស្ពានពីមុំពិសេសមួយ។ ធ្វើដំណើរតាមដងទន្លេរទៅមុខបន្តទៀត ស្ទឹងអមដោយដើមដូងដុះសងខាងពត់ពែនឆ្ពោះទៅកាន់ទីជនបទ។ នៅមុនពេលថ្ងៃលិច ស្ទឹងមានភាពរស់រវើកជាមួយនឹងទូកនេសាទដែលចេញដំណើរទៅកាន់សមុទ្រ ហើយបន្ទាប់ពីផ្ទៃមេឃចាប់ផ្តើមងងឹត មានទីតាំងនៅក្បែរៗជាច្រើន ដើម្បីគយគន់មើលសត្វអំពិលអំពែក។